من زماااااان عن مدونة مكتوب، بعد ما خبطولي دمي وانحزفت كل مواضيعي وتعليقاتها كدا زي السحر، ودي تاني مرة تحصل معايا. مع إنه يا عيني عليا لا بكتب في السياسة ولا الدين ولا المجتمع. ما بكتب غير يومياتي المتواضعة. بس حكون طيبة وقول إنه عطل فني. وعلى قولهم المسامح كريم.
اليوم عندي أعمال منزلية مرة كتير وشغلات لازم أخلصها بس ما لي نفس أسوي أي شيء، يعني ما لي عزر أقول طفشانة لأنه الطفشان دايما ما عنده شيء يسويه بس أنا عندي مليون شغلة أسويها بس ما لي نفس. أكره نفسي لما ما أكون مني متحمسة للحياة اليومية-أصلا ما في غيرها- وبينما أقضي الإجازة السعيدة جالسة أفكر كلها كم أسبوع ويبدا الدوام والكرف، فهل أفضل على وظيفتي ولا أشوفلي شغل خاص عشان أحس إني متحمسة لإنجاز شيء. كل سنة أنا على دا الحال، عندي خوف وتردد إني أفشل وفي نفس الوقت مني طايقة أشتغل في وظيفة، أحس جهات العمل تستعبد الموظيفين مو تتعامل معاهم عدل بغض النظر عن المكان، في الفترة الآخيرة كل يلي يشتغلوا في أي مكان حتى لو كان مرة خطير يشتكو من سوء الأحوال. أنا وحدة شغييلة بس مو معقول أجلس في مكان لا ترقية ولا تدريب ولا تحفيز ولا شكرا لمدة عشر سنوات، الصبر برضه له حدود. كل صباح تجيني نفحة تفاؤل كدا وتبدأ الأفكار تتفتح زي الزهور في راسي بس يجي عليا الليل ويجي الخوف مع الظلمة وقول يا بنت قومي روحي شغلك ونتي ساكتة وهي عيشة والسلام. بس في نفس الوقت أحس إني أبغى أسوي شيء مختلف، وآخر قرار قررته إني أسوي الاثنين أفضل في شغلي مؤقتا وابدأ عملي الخاص يل
